MISSION NE GTN

O ga ole GTN refu ta ƥisiid a cangin Biibal a qooɗu fo a qoolu, too ta gećnoox no ngim a yoon fo a aqatin no cuni-cuni siisip cangu, pastoor fo aadax kerceen kam Afrik, Asi, boo Amerik Latin. Keene jegangaa koy, xan pastoor keene fo aa-adax we a mbaag o ndamit pokatax ke no gimu we, da mbaag o nqayin Yegil Mbaax ne Kiristaa kam qeet ke fop.

Fat nu niiraa kili ndax nu moƴ o njangaa kaa farna no calel ke no maat ne Roog kam Senegaal fo Gambi, boo nu and ne nu mbaagna o ndaawit a cangin ale GTN fo kuur ke ten no lak fee nu numna.

Mooci o jang a pax no Minister fe GTN na Adna fane.

GTN SENEGAAL FO GAMBI

Yeesu a maada o maxaa jangu um Senegaal fo Gambi a reefandtin no mal ne na xoyeel(GTN), fo parteneer( daadamit) mayu lakas. Ndamir miñu in fo Misyoŋ Inter – Senegaal( MIS), a wetana o gom a Pastoor Mayik fo Jili Edelman da lalit calel GTN.

Calel ke da njalaa fo GTN koy refu yee da ndamtaa too a saƭakinaa Pastoor ke fo aa-adax kerceen no jegel ole no saax o ñamaak ole Saharaa na Afrik fee no Mudand ne.

No hiid ole 2021, GTN a feru ndamtir fo mbokatoor no cangu pastoor mayu kam Senegaal fo Gambi ndax ta aqataa a den. Kaa hupna cangu teemeed tadik(300) a mboga na formaasyoŋ Biibal feene GTN a cooxtaa too jangu leng samtaan teen. Formaasyoŋ ne GTN a cooxtaa koy, kaa saƭakinaa Pastoor ke ndax itam den fa qoox den da ndamit wiin we no caate ke na Kiristaa.

Fat o suur niira ndax o waag o and ke safe le a jangnitaa

Xa diiplom GTN axe yoonna

Kaa i njangnaa ƭaap naa fofna kuur xarbaxay fo kuur ƭik too da mbi’el me da mbaageena o njangit. Nu mbaaga o nan-giloox too njang kuur nuu refna teen na Angale, na Farañse, na Paafaal fo a Seereer. No sit fene koy nu mbaaga o suur mene :

O jaafe le na kuur fee( Angale, Farañse fo Seereer)
Aristemaa ojo no lesoŋ nuu refna(Angale, Farañse, a Paafaal fo a Seereer).
Ojo naa bindatineena ndax i mbaag o ngorlu a paax yaa i nangilooxaa( Angale, Farañse, fo a Paafaal).
Lesoŋ nuu refna a jega mini 30.

Laalti kuur ke

Feeri parteenaria fa Mike fa Jill meneSenegal fa Gambi

Ke Joofna na Mike & Jill

Mike fo jill a jegaa tiig 41 no ndolnir den, to we ngena Elverson, Pennsylvania. Den fop a gima no Yaal Oxe nen o Mumuxil den, a peer tin no miinister nen Kirista na xooyel Jangu Etan(CFC), to ta ref Downingtown, Pennsylvania. Ya da booxotona bo fa diik no Yaal Oxe koy, a jega xa qiid 35. No yirmande Roog, Mike a daawa o xooy ole Roog ndax ta jaal nen Pastor to a xeta fo kip no CFC no xid 2007, bo ne ta retna a jaalata fo Global Traning Network(GTN) Deesambur 2020.

Mike fo Jill ka bug a Senegal, no Afrik Mudan ne to o bug o lene ka moco patu no tiig 22 keene. No keene koy, a ngipoorayo fo maal mayo to da jaala no a sip cangu fo a pi daalibe. Bo fa dik da sur GTN, to a jeg o bug o maak no damta to a satakina pastor ke, siisip cangu ke fo a adax we no Senegal. To sax daye meen, yam ka ta mbia dap partenariya no sax la andona ye 97% juulit ka a yiif den a mbektuna no Yegil Mbaax Ne.

Ke xotina no xid 2021 bo fa dik, o Yaal Oxe ka waagnor a den ta damta no ngipor calel a yon ten fo assosiason cangu mayu no sax le. Cangu keene ka nqeebu no ga olene 2Timote2 :2, refna fi’ik a adax mayu fo daalibe.

No xid 2024, Roog a fi’a bo i jeg ngipor nqas fa Gambi, fa refna saate fa ndep kam Senegal. Win we Gambi fo we Senegal leng kut a ndef. Juulit ke gena na sax le a ndefa 98%, to o xumo xum a waaga jil keta gim na itam. Assosiasion gen cangu ke GTN a fitina partenariya koy ka jeg o bug fo saawir o laayit ke ferna no Kirista.

Jill koy ka saq’u calel qooxum to a jaal’a xa qiid 35, so a retka jaalkat fo GTN.

Oxe cugga koy ke calel ke ta jalandoora fo Mike no GTN no ngap o nqe ke, ge ta rim ka. Mike fo Jill, O Yaal Oxe a barke ta den o piy o ngor fo xa piy xa tew xa tadaq. Xa piy axen den fop koy, a ndolnirayo fo gimu to a dimanayo a den xa taan 13 wene gen Florida wene Pennsylvania.