gtn_web_logo

MISSION NE GTN

O ga ole GTN refu e ta pisiid a jangin Biibal a qooɗu fo a qoolu, to ta ngecnox no gim a yoon fo a aqaatax cuuni cuuni siisip cangu, pastor fo a adax kerceen kam Afrik, Asi, bo no Amarik Latin. Keene jeganga koy, xan Pastor keene fo a adax we a mbag o damit pookatax ke no gimu we, ta mbag o qaayin Yegil Mbaax nen Krista fo qeet ke fop .

Fat nu niira kili dax no moco janga no ke farna no caalel ke no Maat ne Roog no Senegal fo Gambi, bo and ne waagona o daawit a jangin ale GTN for kuur ket en, no lak fe nuumona.

 

Mooci o jang a pax no Minister fe GTN na Adna fane.

GTN NO SENEGAL FO GAMBI

Yeesu a maad o maxaa jangu’um Senegal fo Gambi a pernitin no mal nena xoyel( GTN), fo parteneer mayu lakas. Partenariya minu in fo Mission Intet Senegal(MIS), a wetana o goom a Pastor Mike fo Jill Edelman ta mbeeer calel GTN. Calel ke da jalaa for GTN koy refu ee, ta ndamta to a sataakina Pastor ke fo a adax kerceen no jiigelo le sub-Saharan Afrik Mudan ne.

No xiid 2021, GTN ka fer partenariya fo assosiasion jangu pastor mayu no Senegal fo Gambi ndax ta aqataa a den. Ke xuupna cangu 300 a mboga no formasion nen biibal neene GTN a cooxta, to jangu leng samtan ten. Formasion ne GTN a cooxta koy, ka saatakina pastor ke, ndax itam den fa qox den da damit win wen caate ket na Krista.

Fa o sur niira ndax o waag o and ke o jaafe nqe a janita.

 

Xa Diiplom GTN xa qe yoona

Ka i jangna Core Curriculum na fofna kuur xaarɓaxay fo kuur tik to da mbi’el me da mbagena o jangit. Nu mbaaga o nangilox to jang kuur fu refna ten na Angle, Faranse, a Paafal fo a Seereer. No sit feene koy, nu mbaga o suur meene :

  • O Jaafe nqe no kuur fee (Angle, Faranse, fo Seereer).

  • Anregistema Audio no lesson nu refna (Angle, Faranse, a Paafal fo a Seereer).

  • Audio na biidatinena ndax i mbaga o nqoorlu a pax ya i nangiloxa (Angle, Faransef o a paafal).

  • Lesson nu refna a jega minit 30.


View Courses
Feeri parteenaria fa Mike fa Jill meneSenegal fa Gambi

Ke Joofna na Mike & Jill

Mike fo jill a jegaa tiig 41 no ndolnir den, to we ngena Elverson, Pennsylvania. Den fop a gima no Yaal Oxe nen o Mumuxil den, a peer tin no miinister nen Kirista na xooyel Jangu Etan(CFC), to ta ref Downingtown, Pennsylvania. Ya da booxotona bo fa diik no Yaal Oxe koy, a jega xa qiid 35. No yirmande Roog, Mike a daawa o xooy ole Roog ndax ta jaal nen Pastor to a xeta fo kip no CFC no xid 2007, bo ne ta retna a jaalata fo Global Traning Network(GTN) Deesambur 2020.

Mike fo Jill ka bug a Senegal, no Afrik Mudan ne to o bug o lene ka moco patu no tiig 22 keene. No keene koy, a ngipoorayo fo maal mayo to da jaala no a sip cangu fo a pi daalibe. Bo fa dik da sur GTN, to a jeg o bug o maak no damta to a satakina pastor ke, siisip cangu ke fo a adax we no Senegal. To sax daye meen, yam ka ta mbia dap partenariya no sax la andona ye 97% juulit ka a yiif den a mbektuna no Yegil Mbaax Ne.

Ke xotina no xid 2021 bo fa dik, o Yaal Oxe ka waagnor a den ta damta no ngipor calel a yon ten fo assosiason cangu mayu no sax le. Cangu keene ka nqeebu no ga olene 2Timote2 :2, refna fi’ik a adax mayu fo daalibe.

No xid 2024, Roog a fi’a bo i jeg ngipor nqas fa Gambi, fa refna saate fa ndep kam Senegal. Win we Gambi fo we Senegal leng kut a ndef. Juulit ke gena na sax le a ndefa 98%, to o xumo xum a waaga jil keta gim na itam. Assosiasion gen cangu ke GTN a fitina partenariya koy ka jeg o bug fo saawir o laayit ke ferna no Kirista.

Jill koy ka saq’u calel qooxum to a jaal’a xa qiid 35, so a retka jaalkat fo GTN.

Oxe cugga koy ke calel ke ta jalandoora fo Mike no GTN no ngap o nqe ke, ge ta rim ka. Mike fo Jill, O Yaal Oxe a barke ta den o piy o ngor fo xa piy xa tew xa tadaq. Xa piy axen den fop koy, a ndolnirayo fo gimu to a dimanayo a den xa taan 13 wene gen Florida wene Pennsylvania.

 

mikeMap