Maakin Xoox of no Ngim onqe

Kuur nene ka cooxa o kimu nqas a koor a satku, ndax ta and oxe ta refat na no Krista. Nene itam xan ta suptu, to suptax a lene xan a refa naal o naal bo nandal fa Krista.

A Betandax A Le No Safe Le No Nqariit Nqiid Ne

Kunpa ke no Nqariit Nqiid Ne xan a mben no tem fene, Roog a maxaa Um Maamad’um. Wara waag o laayit A Betandax A Le No Safe Le No Nqariit Nqiid Ne ke mocna o new kiis 15, ta xotit no saak ale bo are Maat fe a sossoxna no ngap onqen Kelfa Maak Ke. So nene o sur re saate fe a sinjena mbaamir Moyiis, Maat ne Roog a adwanna, Maat ne o kin a adwanna, bo na gadday fane fo na mbaata le.

A Betandax Ale No Nqaariit Nqas Ne

A sossoor ten mugan nen Nqaariit Nqiid Ne to xa xiid 400 xa nqa naak na tek a teekin a ndonu ten bo ya Kirista a fen na. Yaaga boog xan jajang we a mbag a laay na taban kiis 15 wala ke mocuna o neew ee Yegil Mbaax Ne no Maat Ne, Mission ne no Maat Ne, fo Yaakar Ne no Maat Ne, ke xotina no Mace bo no Mbeenil Ne.

A Koor ake no Ngim Kerceen -Kuur 1

Kene refu a cangin a eetu no a cangin a taadak ake no kuur nena xooyel, o ngim kerceen. Kuur nene koy ka ta laayta ke waarena o gim no Biibal fane, Roog, O penqe Roog, Yiif Tedu Le fa Roog na Xa Mem Xa Taadax.

A Koor ake no Ngim Kerceen -Kuur 2

A seek a tikander ale no cangin a taadak a kene koy, ka laayta ke mocna o jeg o jiirin no ngim kerceen. Kuur ne ka laayta ke waarena o gim no ke jofna no Kin, no Baak fo na muc.

A Koor ake no Ngim Kerceen – Kuur 3

A seek a tadkander a paktu le no cangnale, ka fedna o jiirin no ngim kerceen. Kuur nene ka laayta ke waarena o gim no Maalaka ke, no Jangu Ne, fo no Muukandong Ne (Eschatology).

Ne Biibal Fee A Jangtel

No mbaaga o jang no a taapan xa paason xa leng leng ne Biibal a jootitel, to ta ref na seek a taadaq : a qoorlax, laay ke ta teekit na, laay ne o fiit’kan no noow of. Xa paason axen, xan i jirinoor a den ya i janga no leetar ole 1 Sang.

A Cangin fo xa As no A adax Kam O ngim Onqe

Kurr nene ka lalta ke soxla ena no aadax jangu, xa andiloor axe no Biibal fee, fo lesson 9 ke na laayta a adax to ta wagel o ga no safe le Nehemi.

A Paatax Ala Gecnuna Na Qeet

Kuur nene koy ka feedna ke Biibal a jangna a in no ke faarna na qeet. Bo i qeeta koy, a yiif in a mbara o mbiida o bugo le Roog to a kid in a mban o teeta o pay Roog soom, ne Yeesu laytuna na cangin’um no Mace 6.

 Ke A Biibal A Layna No A Cooxit 

Ndax i and ee O Yaal Oxe ka refka bo moos, to jap itam ee Roog jegu fop ; kuur nene xaana dimle’a in i moco cooxta ne Bibal a simtituna to i mbagna ga no 2Korint 8 fo 9.

Cit Ke No Yiif Tedu Le : Andiloox Ne Roog A Faptang Ndax O Jalanin

O kim’u xu refna, ka mbarketel ci’it no Yiif Tedu Le, ndax ta maax jangu ne to a pooxot a Roog o ndam. Roog itam ka mool o xumo xum na in no caalel’um, ta ref ci’it ken Yiif Le, o saawir no a seek mayu, o waag, a tamaax fo o and. Kuur nene xan a dim le jajang we nda nga ne Roog a moolit na a den, ndax da mbag o jaal fo o taay fo a kebaax.

Maax Toolnir Kerceen Ka Na Minkaa

Roog siigcu doolnir no tig ala Eden, to a jiga o bug fo taap ndax doolnir nene a xuut. A cangin alen koy ka bugo daamit we ndoolnir na ta andid ngipoor doolnir den, to ta yoon fo o gim.